Дунёнинг биринчи ракеткаси "Ролан Гаррос" 1/8 финалида!

Сайёрамизнинг биринчи рақамли теннис маликаси Ига Свёнтек бош соврин учун курашда давом этмоқда. Польшалик теннисчи учинчи босқичда WTA рейтингида 95-поғонадан жой олган черногориялик Данка Ковинични 6/3, 7/5 ҳисобида мағлубиятга учратди.

Тўқсон бир дақиқа давом этган баҳсда 20 ёшли Ига 1 та эйс, 5 та брейк-пойнтни амалга оширди. Тўпни ўйинга киритишда эса қўшхатога умуман йўл қўймади. 27 ёшли Данка эса 3 та эйс, 4 та қўшхато ва 3 та брейкни расмийлаштирди. Бу теннисчиларнинг ўзаро ўтказган илк учрашуви эди.