Дунёнинг энг қиммат дарвозабонларидан бири ўзига янги жамоа топди

Испаниялик дарвозабон энди ўз клуби режаларидан ўрин олмаган ва яқин орада "Челси"ни тарк этиши мумкин.

Кепа ўтган мавсумни "Реал"да ижарада ўтказди, аммо "Сантьяго Бернабеу"да сезиларли натижа қайд эта олмади. "Лос-Бланкос" уни Андрей Луниннинг ўрнини босадиган футболчи сифатида кўрган, бироқ украиналик посбон жамоада қолишни истаса, Кепа бу йил Ла Лигага қайтиши даргумон.

"Борнмут" Кепага мунтазам ўйнаш имкониятини таклиф қилди ва вақтинчалик шартнома имзолашга яқин турибди. Кепанинг "Челси" билан амалдаги битими 2025 йилда тугайди ва у ижарадан олдин яна бир йилга узайтирилиши мумкин. Агар музокаралар яқин соатларда олдинга силжиса, испаниялик ўйинчи тиббий кўрикдан ўтишга киришади.