Дунёнинг еттинчи ракеткаси Кливлендда 1/4 финалга чиқди

Дунёнинг еттинчи рақамли теннис маликаси бўлиб турган Каролин Гарсия чорак финал иштирокчисига айланди. Франциялик теннисчи иккинчи давра баҳсида WTA рейтингида 58-поғонадан жой олган АҚШ вакиласи Пейтон Стирнсдан устун келди - 7/6(4), 6/3.

Бу теннисчиларнинг ўзаро илк учрашуви эди. Тўқсон саккиз дақиқа давом этган баҳсда Гарсия 10, Стирнс 4 та эйс зарбасини амалга оширган. Қўшхатолар Каролинда кўпроқ бўлди - 7 га 3. Энди Гарсия 1/2 финал йўлланмаси учун хитойлик Чжу Линга қарши кортга чиқади.