26 апр 19:38
Янгиликлар

Баскетбол

Дюрант етакчилигидаги «Бруклин Нетс» серияда «Бостон Селтикс»га ютқазиб, NBA плей-оффини тарк этди

Теглар : NBA

NBA плей-офф босқичининг «Бруклин Нетс» ва «Бостон Селтикс» ўртасидаги 1/8 финалининг cериядаги тўртинчи учрашуви якунланди.

Унда «Бруклин Нетс» ўз майдонида «Бостон Селтикс»ни қабул қилди. Нью-Йоркдаги «Barclays Center» аренада бўлиб ўтган учрашув меҳмонларнинг 116:112 ҳисобидаги ғалабаси билан якунланди.

Ғолиб жамоада энг яхши ўйинчи 29 очко жамғарган Жейсон Татум бўлди. Кевин Дюрант 39 очко билан «Бруклин Нетс»да энг сермаҳсул ўйинчи бўлди.

Шу тариқа, сериядаги ҳисоб 4:0 бўлди ва «Бостон» NBA плей-офф босқичининг чорак финалига чиқди. Кейинги босқичда «Бостон» «Милуоки» – «Чикаго» жуфтлиги ғолиби билан ўйнайди.

NBA чемпионлигини қўлга киритиш учун асосий давогар дея қаралган Кевин Дюрант етакчилигидаги юлдузли таркиб шу ерда юришини тўхтатадиган бўлди. «Бостон» эса NBA плей-оффининг кейинги босқичига чиққан илк жамоага айланди.