Дюссельдорф. Бобоев ҳамда Аҳадовда ғалаба, Расулов ва Матниязова ютқазди

Бугун ҳамюртларимиз -70, -73 ва -81 кг вазн тоифаларида татамига чиқишяпти. -73 кг вазн тоифасидаги дзюдочиларимиз Шаҳрам Аҳадов ва Ғиёсжон Бобоев ғалаба қозониб, учинчи даврага йўл олди. Бобоев иккинчи босқичда Якуб Ясминекни, Шаҳрам Аҳадов эса мексикалик Эдуардо Араужодан устун келди. Ғиёсжон учинчи даврада кореялик жаҳон чемпиони Ан Чангримга, Шаҳрам эса грузиялик Лаша Шавдатуашвилига қарши татамига чиқади.   

Афсуски, -81 кг вазндаги вакилимиз Камолиддин Расулов илк учрашувидаёқ хорватиялик Доминик Друзетага имкониятни бой бериб қўйди. -70 кг вазндаги Гулноза Матниязова эса венгриялик Жабина Герчакка ютқазди. Бироздан сўнг -81 кг вазн тоифасидаги иккинчи дзюдочимиз Шарофиддин Болтабоев венгриялик Атилла Унгварига қарши баҳс олиб боради.