22 фев 17:07
Янгиликлар

Дзюдо

Дюссельдорф. Бобоев ва Аҳадов иштирокларини якунлашди

Дюссельдорф шаҳри мезбонлигида ўтаётган "Катта Дубулға" туркумига кирувчи турнирнинг иккинчи кунги беллашувлари қизғин паллага кириб бормоқда.

Афсуски, -73 кг вазн тоифасида юртимиз шарафини ҳимоя қилаётган дзюдочиларимиз Шаҳрам Аҳадов ва Ғиёсжон Бобоев учинчи даврада мағлубият аламини тотиб кўриб, мусобақа билан эрта хайрлашишди.

Бобоев кореялик жаҳон чемпиони Ан Чангримга, Аҳадов эса грузиялик Лаша Шавдатуашвилига имкониятни бой бериб қўйди. Энди бор эътиборни Шарофиддин Болтабоевнинг иштирокига қаратамиз. -81 кг вазндаги юртдошимиз бироздан сўнг қирғизистонлик Владимир Золоевга қарши татамига чиқади. Болтабоев иккинчи босқичда венгриялик Атилла Унгваридан устун келган эди.