Дюссельдорф "Катта Дубулға". Бугун 5 нафар дзюдочимиз татамига чиқади

Йилнинг ҳисоб бўйича иккинчи "Катта Дубулға" мусобақасида сайёрамизнинг 5 қитъаси 120  давлатидан жами 718 (427 эркак, 291 аёл) нафар дзюдочи турнир медаллари ҳамда Токио-2020 Олимпиадаси йўлидаги муҳим рейтинг очколари учун татамига чиқади. Дюссельдорф татамиларида 15 дзюдочимиз юртимиз шарафини ҳимоя қилади. 

Бугун мусобақанинг илк кунида беш нафар дзюдочимиз баҳсларга киришади. Беллашувларнинг Тошкент вақти билан соат 13:30да бошланиши белгиланган. Рейтинги энг юқори дзюдочимиз, жаҳон чемпионатининг амалдаги кумуш медали соҳиби Шарофиддин Лутфуллаев (-60 кг) ўз иштирокини тўғридан-тўғри иккинчи даврадан бошлайди. Унинг бугунги илк рақиби австралиялик Жошуа Кац ҳамда грузиялик Жаба Папинашвили ўртасидаги беллашувдан сўнг аниқланади. 

Бугун татамига чиқувчи дзюдочиларимиз:

-60 кг: Шарофиддин Лутфуллаев - Жошуа Кац (Австралия) / Жаба Папинашвили (Грузия)

-60 кг: Кемран Нуриллаев - Соломон Ога (Нигерия)

-66 кг: Муҳриддин Тиловов - Страхинжа Бунчич (Сербия)

-66 кг: Диёрбек Ўразбоев - Дмитрий Шершан (Беларусь)

Қизлар

-52 кг: Диёра Келдиёрова - Сосорбарам Лхагвасурен (Мўғулистон)