Дзюдо. Биринчи кунги баҳслардан сўнг ҳозирча 8-ўриндамиз

Соврин жамғармаси 100 000 доллардан иборат мусобақада дунёнинг 27 та давлатидан жами 183 нафар спортчи иштирок этяпти. Энг кўп қатнашчи терма жамоамиз таркибида қайд этилган бўлиб, 55 нафар дзюдочи кечадан медаллар учун баҳсларга киришди.

Кечаги кунги баҳслардан сўнг Ўзбекистон терма жамоаси медаллар жамғариш бўйича умумжамоа ҳисобида 2 та бронза медали билан 8-ўринни эгаллаб турибди. -60 кг вазн тоифасида Шарофиддин Лутфуллаев, -66 кг вазнда Сардор Нуруллаев ана шу 2 та медални терма жамоамизга тақдим этишди.

Мўғулистон терма жамоаси биттадан олтин, кумуш ва бронза медалларини жамғарган ҳолда ҳозирча умумжамоа ҳисобида биринчи ўринни эгаллаб турибди. Биздан олдинги ўринлардан Исроил, Польша, Озарбайжон, Беларусь, Россия ва Сербия терма жамоалари жой олишган.