06 окт 09:10
Янгиликлар

Дзюдо

Дзюдо. Бугун Тошкентда Гран-при турнири бошланади

Бугун пойтахтимиздаги муҳташам “Ўзбекистон” спорт мажмуасида дзюдо бўйича Гран-При мусобақаси старт олади.

Соврин жамғармаси 100 000 долларни ташкил этувчи мусобақада дунёнинг 27 та давлатидан жами 183 нафар спортчи татамига чиқади. Энг кўп иштирокчи терма жамоамиз таркибида қайд этилган бўлиб, 55 нафар дзюдочи бугундан медаллар учун баҳсларга киришади.

Мусобақа регламентига кўра мезбон давлат ҳар бир вазн тоифасида тўрт нафар спортчи билан қатнашиши мумкин. Айнан шу имконият ва ваколатдан Ўзбекистон дюздо федерацияси фойдаланди.

Бугун эркаклар ўртасида -60 ва -66 кг вазн тоифаларида баҳслар бўлиб ўтади. Куннинг иккинчи ярмида эса айнан мана шу вазнларда ғолиб ҳамда совриндорлар номи маълум бўлади.