Дзюдо. Эртага Осиё Очиқ Кубоги бошланади, бугун матбуот анжумани

Спорт устаси Учқун Муродов хотирасига бағишланган мазкур мусобақа Ўзбекистон дзюдо федерацияси томонидан 1993 йилдан бери мунтазам равишда ўтказиб келиняпти. 

Мана тўрт йилдирки, турнир Халқаро дзюдо федерациясининг йиллик тақвим режаси асосида ташкил этилмоқда. Ўсмирлар ва ёшлар ўртасида ўтказиладиган бу йилги Осиё Очиқ Кубогида 11та давлатдан 400 нафардан зиёд спортчилар татамига чиқишади.

Улар 56та медаллар жамланмаси учун ўзаро баҳсларга киришишади. Юртимиз спорт шарафини эса жами 200 нафар дзюдочи ўғил-қизларимиз ҳимоя қилишади. 

Бу галги мусобақанинг аҳамиятли жиҳати шундаки, унда шу йили Аргентинада ўтказиладиган учинчи Ёшлар Олимпиадасининг муҳим рейтинг очколари ўйналади. Бугун соат 17:00да мусобақаган бағишланган матбуот анжумани бўлиб ўтади.