Дзюдо. Эртага Тошкентда Осиё Кубоги старт олади

“Универсал” спорт саройи мажмуасида ўтказилувчи ушбу мусобақа Учқун Муродов хотирасига бағишлаб ҳам ташкил этилмоқда. Мусобақада 2 қитъанинг 6 давлатидан жами 245 иштирокчи (161 ўсмир ва 84 қиз) совринли ўринлар учун татамига чиқишади. 

Tashkent Cadet Asian Cup 2019 мусобақасида юртимиз дзюдочиларидан ташқари Россия, БАА, Қозоғистон, Тожикистон ва Қирғизистон терма жамоаси аъзолари ҳам медаллар йўлида баҳс олиб боришади. Энг кўп иштирокчилар сифатида Ўзбекистон (111) ва Қозоғистон (82) қайд этилган. 

Вазн тоифалари: 

Ўсмирлар: -50 кг (16 иштирокчи), -55 кг (26), -60 кг (27), -66 кг (26), -73 кг (18), -81 кг (16), -90 кг (16), +90 кг (16)

Қизлар: -40 кг (6 иштирокчи), -44 кг (12), -48 кг (9), -52 кг (9), -57 кг (12), -63 кг (14), -70 кг (12), +70 кг (10).