Дзюдо федерацияси томонидан ўтказилган "Олимпия куни"дан ФОТОРЕПОРТАЖ

Хусусан, юртимизда ҳам Ўзбекистон Туризм ва спорт вазирлиги, Миллий олимпия қўмитаси ташаббуси билан ушбу санага бағишланган турли даражадаги тадбирлар ташкил этилди ва шу кунларда ҳам давом этмоқда. 

Кеча куннинг иккинчи ярмида ана шундай байрам тадбирларидан бири Ўзбекистон дзюдо федерацияси томонидан ўтказилди. 

Пойтахтимиздаги Мирзо Улуғбек номидаги истироҳат боғи (Собиқ Телман) ҳамда Экопарк (ЭкоПарк) боғида "Олимпия куни" тадбири ташкил этилди. Ҳар икки маросим ҳам бир пайтда бошланиб, мингга яқин тошкентликлар ва шаҳримиз меҳмонлари ҳамда уларнинг фарзандларига байрамона кўтаринки кайфият улаша олди. 

Спортга бефарқ бўлмаган юртдошларимиз нафақат машҳур дзюдочиларимизнинг кўргазмали чиқишларидан баҳраманд бўлишди, балки ўзлари ҳам татамида дзюдо қандай спорт тури эканини ҳис этиб кўришди.  

Маросимда Ўзбекистон Туризм ва спорт вазири ўринбосари Аваз Каримов, Миллий олимпия қўмитаси раиси Рустам Шоабдураҳмонов, МОҚ раиси ўринбосари, мамлакат дзюдо федерацияси раиси Азизжон Камилов ва бошқа мутасаддилар иштирок этиб, йиғилганларни Халқаро "Олимпия куни" билан қутлашди. 

Байрам тадбири якунида болажонларга ташкилотчилар томонидан совғалар тақдим этилди.

Суратлар муаллифи - Алимурод МАМАДАМИНОВ, ўз мухбиримиз