19 мар 08:21
Янгиликлар

Дзюдо

Дзюдо. “Катта Дубулға”даги энг яхши натижамиз 7-ўрин бўлди

Россиянинг Санкт-Петербург шаҳрида дзюдо бўйича “Катта Дубулға” туркумига кирувчи нуфузли турнир бўлиб ўтди.

Дунёнинг 34 давлатидан полвонлар иштирок этган мусобақада юртимиз шарафини 3 нафар дзюдочимиз ҳимоя қилди. Улардан энг яхши натижани тажрибали Дилшод Чориев қайд этди. -90 кг вазн тоифасида татамига чиққан дзюдочимиз 7-ўрин билан кифояланди.

Терма жамоамизнинг қолган икки аъзоси Давлат Бобонов (-81 кг) ва Ихтиёр Холмуротов (+100 кг) гуруҳ босқич баҳсларидаёқ мағлубиятга учрашди. Мусобақада дзюдо ватани Япония терма жамоаси 6та олтин, 1та кумуш, 3та бронза медали билан биринчи ўринни эгаллади. Кучли учликдан Россия ва Бразилия терма жамоалари жой олишди.