14 фев 16:27
Янгиликлар

Дзюдо

Дзюдо. Навбат Тель-Авив "Катта Дубулға" турнирига!

Халқаро дзюдо федерацияси (IJF) тақвимидан ўрин олган навбатдаги нуфузли мусобақага Исроил давлати мезбонлик қилади.

Аниқроғи, 17-19 февраль кунлари Тель-Авив шаҳрида "Катта Дубулға" туркумига кирувчи, умумий мукофот жамғармаси 154 000 АҚШ долларини ташкил этувчи турнир бўлиб ўтади. Ушбу мусобақада дунёнинг 4 қитъаси 34 давлатидан жами 322 (178 эркак, 144 аёл) нафар дзюдочи татамига чиқади.

Улар қаторида Ўзбекистон терма жамоаси ҳам мусобақа медаллари ҳамда муҳим рейтинг очколари учун баҳс олиб боради. Эртадан кейин Тель-Авив "Катта Дубулға" турнирига қуръа ташлаш маросими ўтказилади.