Дзюдо. Рўзиев ва Нуриллаев давом этмоқда, Шаҳрам эса...

Бугунги беллашувларда уч нафар ҳамюртимиз иштирок этиши ҳақида аввалроқ хабар бергандик. 

-60 кг вазн тоифасида юртимиз шарафини ҳимоя қилган Достон Рўзиев баҳсларга иккинчи босқичдан қўшилди. У илк даврада Исроил вакили Даниэл Бен Давидни мағлубиятга учратди. Энди Достон чорак финал йўлланмаси учун мўғулистонлик Болдбаатар Ганбатга қарши татамига чиқади. Мазкур вазн тоифасидаги яна бир полвонимиз Кемран Нуриллаев эса дастлаб Хитой Тайпейи вакили Кун Лин Йехни, кейин эса туркиялик Бекир Озлуни мағлуб этди. Энди у чорак финал чиптаси учун болгариялик Янислав Герчевга қарши курашади.

-66 кг вазнли полвонимиз Шаҳрам Аҳадов мусобақага иккинчи даврадан қўшилганди. У турнирдаги илк жангида словакиялик Матеж Полиакка қарши жанг қилди ва имкониятни бой бериб қўйди.