Дзюдо. Тошкент катталар ўртасидаги Ўзбекистон чемпионати старт олди

Йилнинг мамлакат миқёсидаги нуфузли мусобақасига "Саҳоват спорт сервис" (собиқ "Ўзбекистон" спорт саройи) спорт мажмуаси мезбонлик қиляпти. Чемпионатда Қорақалпоғистон Республикаси, барча вилоятлар ҳамда Тошкент шаҳридан тажрибали ва шу билан бирга истеъдодли дзюдочилар иштирок этмоқда. 

Баҳслар 7 та (эркаклар ва аёллар) вазн тоифасида ўтказилади. Бугун эркаклар ўртасида -60, -66, аёлларда эса -48, -52 ва -57 кг вазнларда ғолиб ва совриндорлар аниқланади. Бугунги финал беллашувлари соат 17:00да бошланади. 

Ўзбекистон чемпионатида биринчи рақамли дзюдочиларимиз иштирок этмаяпти. Боиси, улар шу кунларда Япониянинг Осака шаҳрида ташкил этилаётган ва "Мастерс" турнирига тайёргарлик вазифасини ўтовчи халқаро ўқув-машғулот йиғинида қатнашишяпти.