08 апр 17:26
Янгиликлар

Дзюдо

Дзюдочиларимиз Алматида шохсупага кўтарилишди

5-7 апрель кунлари Қозоғистоннинг Алмати шаҳрида дзюдо бўйича ўсмирлар ўртасида халқаро турнир бўлиб ўтди.

Александр Патокин хотирасига бағишлаб ўтказилган ушбу анъанавий мусобақада 2002-2003 йилларда таваллуд топган дзюдочилар иштирок этишди. Ўғил болалар -46, -50, -55, -60, -66, -73, -81, -90 ҳамда +90 кг вазн тоифаларида беллашишди.

Қизлар эса -40, -44, -48, -52, -57, -63, -70 ва +70 кг вазнда медаллар учун татамига чиқишди. Улар орасида беш нафар ўзбекистонлик дзюдочилар ҳам ўз имкониятларини синовдан ўтказишди.

Якунда улардан икки нафари шохсупага кўтарилди. Финалга қадар мағлубиятсиз етиб келган Бунёд Жапарбергенов (-90 кг) кумуш медални қўлга киритган бўлса, Анастасия Лефлянская (-63 кг) бронза медалга сазовор бўлди.