Дзюдочиларимиз Анталия Гран-Присидаги иштирокни якунладилар

Аввалроқ, ушбу халқаро турнирда юртимиз шарафини Муҳаммадкарим Ҳуррамов, Бекмурод Олтибоев, Ербол Рустамов, Достон Рўзиев, Суҳроб Турсунов, Диёра Келдиёрова ва Гулноза Матниёзовалар ҳимоя қилишлари ҳақида хабар бергандик. Афсуски, улар мусобақада совринли ўринлардан жой олишни уддасидан чиқа олмадилар. Икки нафар дзюдочимиз бешинчи ўрин билан кифояланди ҳолос.

Эркаклар ўртасида -81кг вазн тоифасида баҳсларда қатнашган Суҳроб Турсунов ярим финалгача етиб борганди. Аммо, шундан сўнг у кетма-кет иккита учрашувда мағлуб бўлди ва совринли ўринлардан қуруқ қолди. Аёллар ўртасидаги беллашувларда -70кг вазн тоифасида иштирок этган Гулноза Матниёзова ҳам ярим финалгача мағлубиятсиз етиб борди. Бироқ, Гулноза ҳам аввалига ярим финал, сўнгра бронза медали учун кечган жангда имкониятни бой бериб қўйди.