Дзюдочиларимиз Тбилиси Гран-Присига йўл олишяпти

Соврин жамғармаси 100 000 АҚШ долларини ташкил қилувчи мусобақада курраи заминимизнинг 4 қитъаси 54 давлатидан келган 412 иштирокчи (228 эркак, 184 аёл) қатнашиш истагини билдирган.

Улар қаторида Ўзбекистон терма жамоасининг 6 нафар дзюдочиси ҳам Тбилиси Гран-Приси медаллари ҳамда Токио-2020 Олимпиадасининг муҳим рейтинг очколари учун татамига чиқади. 

Айни дақиқаларда терма жамоамиз делегацияси Ислом Каримов номидаги Тошкент халқаро аэропортида бўлиб турибди. Бироздан сўнг, аниқроғи 14:20да ҳамюртларимиз Қозоғистоннинг Алмати шаҳри орқали Тбилисига жўнаб кетишади. 

 Тбилисига йўл олаётган делегациямиз:

Эркаклар:

-60 кг: Шарофиддин Лутфуллаев

-73 кг: Ҳикматилла Тўраев

-81 кг: Камолиддин Расулов

-90 кг: Яҳё Имомов, Давлат Бобонов

-100 кг: Муҳаммадкарим Хуррамов

Мураббийлар: Ўктам Раҳмонов, Адҳам Жамолов

Шифокор: Азиз Қаюмов