17 янв 12:18
Янгиликлар

Дзюдо

Дзюдочиларимиз Тунис Гран-Присида иштирок этишади

19-21 январь кунлари Африка қитъасининг Тунис давлатида жорий мавсумнинг илк нуфузли мусобақаси бўлиб ўтади.

Пойтахт Тунис шаҳридаги El Menzah Sports Hall аренаси Гран-При туркумига кирувчи ушбу турнирга мезбонлик қилади. Тунис Гран-Присида дунёнинг 46 давлатидан 430 нафар дзюдочи жами 14та вазн (7 нафардан эркаклар ва аёллар) тоифасида татамига чиқишади.

Юртимиз спорт шарафини 7 нафар дзюдочимиз ҳимоя қилади. Эркаклар ўртасидаги баҳсларда Артём Штурбабин (-66 кг), Мирзоҳид Фармонов (-73 кг), Давлат Бобонов (-81 кг), Шермуҳаммад Жандреев (-90 кг), Ихтиёр Холмуродов (+100 кг) ўз маҳоратини намойиш этади.

Қизларимиздан эса Гулнур Муратбаева ва Диёра Келдиёрова медаллар йўлида баҳсларга киришишади. Ҳар икки спортчи қизимиз ҳам -48 кг вазн тоифасида ўз имкониятини синовдан ўтказади.