Дзюдочимиз Европа Очиқ кубогида олтин медаль соҳиби бўлди + ФОТО

Ўн олти мамлакатдан 2003-2004 йилларда таваллуд топган дзюдочилар иштирок этган мусобақада Ўзбекистон шарафини Тоҳир Файзиев мураббийлигидаги ўсмирларимиз ҳимоя қилишди. 

Қувонарлиси, ҳамюртларимиздан Абдулла Тўхтамишов рақибларидан устун келиб, якунда Европа Очиқ кубогининг олтин медалини қўлга киритди. +90 кг: вазн тоифасида курашган Тўхтамишов финалга қадар грузиялик Бачуки Пейкришвили, озарбайжонлик Атабаба Нифталиев, грузиялик Шалва Гурешидзени мағлубиятга учратди. Чемпионлик учун кечган финал беллашувида эса россиялик Денис Батчаевдан устун келди. 

Ҳамюртларимиздан -52 кг вазнда татамига чиққан Элизза Баҳодирова ўтиш баҳсларида туркиялик Элчин Фенер, қозоғистонлик Улдана Уссейндан устун келди. Бронза медали учун кечган баҳсда эса бошқа бир туркиялик курашчи Иклал Марям Арсланга ютқазиб, 5-ўрин билан кифояланди. Якунда терма жамоамиз 16 давлат орасида кучли бешликдан жой олди.