Эдди Хирн Муроджон Аҳмадалиев иштирокидаги баҳсда юзага келган баҳсли ҳакамликка муносабат билдирди

Matchroom Boxing промоутерлик компанияси раҳбари Эдди Хирн иккинчи енгил вазн тоифасида собиқ WBA ва IBF камарлари соҳиби, ўзбекистонлик Муроджон Аҳмадалиевнинг филиппинлик Марлон Тапалесга қарши жангига муносабат билдирди. Жангда Тапалес ҳакамлар қарори билан ғалаба қозонган эди.

"Одамлар хафа, мен учун 115:113 ҳисобида Муроджон Аҳмадалиев ғолиб, лекин бу Тапалес учун йирик ғалаба бўлди", - деб ёзиб қолдирган Хирн.

Муроджон Аҳмадалиев мазкур жангдаги мағлубияти туфайли ўз камарларидан айрилди, эндиликда Тапалес Стивен Фултон - Наоя Иноуэ жанги ғолибига қарши рингга чиқиши мумкин.