29 июн 10:24
Янгиликлар

Бокс/ММА

Эдди Хирн Уайлдерга $5 млн таклиф қилди. Нимага?

Супероғир вазн тоифасида учта йўналиш чемпиони бўлиб турган Энтони Жошуанинг промоутери Эдди Хирн WBC чемпиони Деонтей Уайлдерга таклиф билан чиқди.

Аввалроқ Хирн Уайлдерга 2019 йилнинг 13 апрель куни Лондондаги “Уэмбли” стадионида Жошуа билан жанг ўтказиш таклифи билан чиққан эди. Промоутернинг сўзларига кўра ўша таклиф ўз кучида қолади.

“Деонтейга 13 апрель куни “Уэмбли”да жанг ўтказишга рози бўлиши учун 15 млн доллар таклиф қилгандик. Бу таклиф ўз кучида қолади. Агар Уайлдер рози бўлса, мен унга 5 млн доллар бераман. Фақат бунинг учун у шу йилнинг сентябрь ёки октябрь ойида Нью-Йоркда жанг ўтказиши керак. Рақибни эса унинг ўзи танлайди”, - деди Хирн.