Эжени Бушар финал учрашувида кортга чиқди

Abierto Zapopan турнирининг хал қилувчи финал учрашувида дунёнинг 71-ракеткаси бўлиб турган испаниялик Сара Соррибес-Тормо рейтингнинг 144-поғонасидан жой олган канадалик мафтункор теннисчи Эжени Бушарга қарши кортга чиқди. Беш дақиқаси кам икки соат давом этган баҳсда Сара 6/2, 7/5 ҳисобларида ғалаба қозонди.

Бу теннисчиларнинг ўзаро ўтказган иккинчи учрашуви бўлди. Илк баҳсда ҳам Эжени мағлубият аламини тотиб кўрганди. Abierto Zapopan турниридаги муваффақиятли иштирок Соррибес-Тормога 29,200 доллар мукофот пули ҳамда 280 рейтинг очкосини келтирди. Бу унинг фаолиятидаги илк соврин бўлди.