15 мар 21:09
Янгиликлар

Дзюдо

Екатеринбург “Катта Дубулға”. -52 кг вазнда исроиллик қиз чемпион!

Россиянинг Екатеринбург шаҳрида “Катта Дубулға” туркумига кирувчи нуфузли мусобақанинг биринчи кунги баҳслари якунланди.

Хотин-қиз дзюдочилар ўртасидаги -52 кг вазн тоифасида исроиллик Гили Кохенга тенг келувчи рақиба топилмади. У финал учрашувида испаниялик Ана Перезни мағлубиятга учратиб, шохсупанинг энг юқори поғонасига кўтарилди. Россиялик Наталья Кузютина ва бельгиялик Чарлин Ван Сник бронза медалига сазовор бўлишди.

Ушбу вазнда Диёра Келдиёрова юртимиз спорт шарафини ҳимоя қилди. Ҳамюртимиз биринчи босқичда бразилиялик Сараҳ Менезесни мағлубиятга учратди. Лекин иккинчи даврада польшалик Агата Перенсга имкониятни бой бериб қўйди.