Екатеринбург “Катта Дубулға”. Обидхон ва Улуғбек иштирокларини якунлашди

Бугун турнирнинг иккинчи кунги баҳсларида 5 нафар ҳамюртимиз мусобақа медаллари ҳамда Токио Олимпиадасининг қимматли рейтинг очколари учун баҳс олиб боришяпти. Халқаро мусобақаларда катта тажрибага эга бўлмаган икки дзюдочимиз ўз иштирокларини муддатидан аввал якунлашди. 

-73 кг вазн тоифасидаги Обидхон Номонов аввалига эстониялик Оскар Пертелсонни мағлубиятга учратди. Лекин иккинчи босқичда швециялик тажрибали Томми Макиасга имкониятни бой бериб қўйди. Ушбу вазндаги иккинчи вакилимиз Улуғбек Отамуродов эса биринчи учрашувидаёқ қирғизистонлик Ишен Амановга ютқазиб қўйди.