06 авг 09:21
Янгиликлар

Футбол

Эктор Купер: "ЖЧ-2022га чиқиш учун кўп меҳнат қилиш керак"

Хабар берганимиздек, бугун тонгда аргентиналик машҳур мураббий Эктор Купер юртимизга етиб келди.

Ислом Каримов номидаги Тошкент халқаро аэропортида мутахассисни футбол жамоатчилиги кутиб олди. Купер аэропортнинг ўзидаёқ қисқа интервью беришга ҳам улгурди.

- Нима деб ўйлайсиз, Ўзбекистон 2022 йилги Жаҳон чемпионатига чиқа оладими?
- Мен оптимистик руҳда бу ерга келдим. Насиб қилса, албатта 2022 йили Қатарда ўтадиган мундиалга чиқамиз. Фақат бунинг учун кўп меҳнат қилиш керак.

- Ўзбекистон терма жамоаси ҳозир қандай даражада деб ўйлайсиз?
- Яхши формада дея оламан. Аммо, албатта уни янада яхшилаш керак. Менга терма жамоа билан тўлиқ танишиб олиш учун маълум вақт керак бўлади.