Елена Рибакина Доҳада учинчи даврага йўл олди

Қозоғистонлик теннис маликаси иккинчи даврада WTA рейтингида 57-поғонада бораётган хитойлик Чжу Линни ортиқча қийинчиликсиз мағлубиятга учратди - 6/2, 6/1. Теннисчиларнинг ўзаро учрашувларида Рибакина ҳисобда олдинга чиқиб олди - 2:1.

Роппа-роса бир соат давом этган баҳсда Елена 7 та эйс, 4 та брейкни амалга ошириб, 1 та қўшхатога йўл қўйди. Энди у учинчи босқичда Эмма Наваррога қарши кортга чиқади. Америкалик теннисчи ўз ўрнида бельгиялик Элиза Мертенсдан устун келди - 6/1, 6/3.