19 май 17:34
Янгиликлар

Теннис

Элина Свитолина Римдаги турнирнинг илк финалчиси

Дунёнинг тўртинчи ракеткаси Элина Свитолина Италиянинг Рим шаҳрида якунига етиб бораётган нуфузли теннис турнирининг илк финалчисига айланди.

Украиналик теннис маликаси ярим финал учрашувида эстониялик Анетт Контавейтни мағлуб этди. Бир соату 14 дақиқа давом этган баҳсда Свитолина WTA рейтингида 26-ўринни эгаллаб турган Анеттдан 6:4, 6:3 ҳисобида устун келди.

Элинанинг финалдаги рақибаси бироздан сўнг бошланадиган учрашувдан сўнг аниқланади. Иккинчи ярим финал жуфтлигида россиялик Мария Шарапова дунёнинг биринчи ракеткаси, руминиялик Симона Халепга қарши кортга чиқади.