Элнур Абдураимов АҚШда иккинчи жангини ўтказди

АҚШнинг Калифорния штати Индио шаҳридаги “Fantasy Springs Casino” аренаси мезбонлик қилган ва ҳозиргина якунига етган жангда ҳамюртимизга америкалик чарм қўлқоп устаси Жованни Гонсалес рақиблик қилди. 

Аслида Элнур бугун америкалик бошқа бир боксчи Хосе Салинасга қарши рингга кўтарилиши керак эди. Лекин жангга бир кун қолганида рақиб ўзгарди. 

Гонсалесга қарши жангни катта устунлик билан бошлаган Абдураимов иккинчи раундга келиб рақибини нокаутга учратди. Бу Элнурнинг иккинчи жангидаги иккинчи муддатидан олдин қозонилган ғалабаси бўлди. 

Маълумот учун, Гонсалес проф рингда 7 та жанг ўтказиб, уларнинг 5 тасида ғалаба қозонган. 2 та жангда мағлубиятга учраганди. Бугун учинчи мағлубият бўлди. Элнур эса бир неча кун олдин проф рингдаги дебютини америкалик Арон Холлинсни нокаутга учратиш орқали нишонлаган эди.