17 май 09:40
Янгиликлар

Бокс/ММА

Элнур Абдураимовнинг жанги 21 июнга кўчирилди

Чарм қўлқоп устамиз Элнур Абдураимовнинг 18 май куни АҚШда ўтказилиши кутилган профессионал боксдаги дебют жанги бекор бўлгани ҳақида хабар берган эдик.

Элнурнинг жангга икки кун қолганда топилган рақиби америкалик Омар Этридж тиббий кўрикдан ўта олмагани сабабли ҳамюртимиз иккинчи бор жангсиз қолди. Шифокорлар 27 ёшли Омарнинг боши билан боғлиқ жиддий муаммо борлигини сабабли унга жанг ўтказиш учун рухсат беришмади.

Энди Элнур Абдураимов 21 июнь кунига белгиланган бокс оқшомида рингга кўтарилади. Бу маълумотни биз билан бўлган суҳбатда Элнурнинг мураббийи Равшан Ходжаев ҳам тасдиқлади. Умид қиламизки, учинчи маротаба жанг бекор бўлмайди ва ниҳоят, Абдураимов проф рингда дебют қилади.