Элнур Абдураимовнинг навбатдаги жанги қачон ва қаерда бўлиши маълум

Иккинчи ярименгил вазнда ўзбекистонлик профессионал бокс устаси Элнур Абдураимовнинг (10-0, 9КО) навбатдаги жанги бўйича тафсилотлар маълум бўлди.

Унга кўра, Абдураимов 25 февраль куни Мексикада ташкил этилаётган бокс оқшомида иштирок этади. 10 раунд этиб белгиланган жангда Элнур ўзига тегишли IBF Шимолий Америка минтақавий камарини ҳимоя қилади. Боксчимизга навбатдаги ҳимоя жангида ким рақиблик қилиши ҳозирча маълум эмас.

Маълумот учун, Элнур Абдураимов сўнгги бор 2022 йил 28 июль куни Калифорния (АҚШ)да ташкил этилган бокс оқшоми доирасида мексикалик Леонель Моренога (2-1-1) қарши ўтказиб, ғалаба қозонган. Элнур Абдураимов навбатдаги жангини 17 декабрь санасида Кристиан Бьелма (19-5-2)га қарши ўтказиши лозим эди, бироқ жангга бир кун қолганида Кристиан жароҳат олиб, жанг бекор бўлган эди.