Элнур Абдураимовнинг навбатдаги жангига 2 кун қолди

"Мир Бокса" промоутерлик компанияси мижози бўлган Элнур Абдураимов (10-0, 9 КО) Мексиканинг Мехикали шаҳрида ташкил этиладиган бокс оқшомида мезбонлар вакили Кристиан Бьелмага қарши рингга кўтарилади.

Мексикалик проф боксдаги фаолияти давомида 19 ғалаба (7 нокаут), 4 мағлубият, 2 дуранг натижа қайд этган. Ушбу жанг саккиз раундга мўлжалланган. 

Эслатиб ўтамиз, 28 ёшли боксчимиз шу йилнинг июль ойида АҚШда мексикалик Леонель Моренони биринчи раунддаёқ нокаутга учратиб, вакант бўлган енгил вазн тоифасидаги IBF Шимолий Америка камарини қўлга киритган эди.

"Ассалому алайкум ҳаммага. Алҳамдулиллаҳ ўзимни жуда яхши ҳис қиляпман, Ин ша Аллоҳ шу ҳафта охирида сизларни яна бир ғалаба билан хурсанд этиш учун бор кучим билан ҳаракат қиламан", - деди Абдураимов.