28 янв 10:16
Янгиликлар

Бокс/ММА

Емельяненкони операция қилишди, унга 9та чок тушди

Хабар берганимиздек, кеча россиялик машҳур ММА жангчиси Фёдор Емельяненко АҚШда ўтказилган Bellator 214 турнирининг финалида октагонга чиққан эди.

Гран-При турнирнинг оғир вазн тоифасидаги финал жангида иштирок этган Емельяненко америкалик Райан Бейдерга биринчи раунднинг илк дақиқаси якунига етмай туриб, нокаут эвазига мағлуб бўлганди.

Фёдор АҚШнинг Калифорния штати Инглвуд шаҳрида ўтган ушбу жангдан кейинги матбуот анжуманида кўриниш бермади. Жанг якунланиши билан Емельяненкони касалхонага олиб кетишган ва унинг ёрилган қош қисмини 9та чок билан тикишган.