Энди бизда ҳам Пенчак Силат бўйича Жаҳон чемпиони бор! ФОТОГАЛЕРЕЯ

Ҳисоб бўйича 18-Жаҳон чемпионатида дунёнинг 70дан зиёд мамлакатларидан энг сара спортчилар медаллар шодаси учун баҳс олиб боришди. Улар орасида ҳамюртларимиз ҳам бор эди. 

Якунда битта олтин ва бронза медалини қўлга киритган Ўзбекистон Пенчак Силат терма жамоаси 70 давлат орасида умумжамоа ҳисобида 5-ўринни эгаллади. 

Шунингдек, айнан Ўзбекистон терма жамоаси Жаҳон чемпионатининг энг яхши жамоаси номини ҳам қўлга киритди. Терма жамоамиз таркибида Аюбхон Абдуллаев бронза медали соҳиби бўлди. 

Олтин медал билан тақдирланган Абдумалик Салимов эса Пенчак Силат бўйича Ўзбекистоннинг илк Жаҳон чемпиони сифатида тарихга кирди. Абдумалик Жаҳон чемпионатининг энг яхши спортчиси сифатида тан олинди. Айнан у шу йили Индонезияда ўтган Осиё ўйинларида ҳам бронза медалига сазовор бўлган эди.