14 авг 09:41
Янгиликлар

Теннис

Энди Маррей Цинцинаттида илк даврадаёқ мағлубиятга учради

АҚШнинг Цинцинатти шаҳрида "Мастерс" сериясига кирувчи нуфузли ATP турнирининг асосий тўр баҳслари бошланди.

Жароҳатлар сабаб узоқ вақт кортдан ташқарида бўлган Маррей дунё рейтингида 375-ўринга тушиб кетганди. Кеча у илк давра учрашувида дунёнинг 17-ракеткаси франциялик Люка Пуйега имкониятни бой бериб қўйди.

Бир соату 53 дақиқа давом этган баҳсда Пуйе 6:1, 1:6, 6:4 ҳисобида зафар қучди. Шу кунгача бу икки теннисчининг ўзаро ўтказган 4та учрашувининг барчасида шотландиялик Маррей ғалаба қозонган эди.