“Энфилд” 7 та гол гувоҳи бўлган оқшомда “Ливерпуль” “Сити”ни мағлуб этди

Ўйин драматик руҳда ўтганини таъкидлаш ўринли. Биринчи бўлим 1:1 ҳисобидаги дуранг билан тугади. Мезбонлар сафида Алекс Окслейд-Чемберлен ҳисобни очган бўлса, бўлим охирида Лерой Сане ҳисобни тенглаштирди.

Иккинчи бўлим эса шунчаки дахшатли кўриниш олди. Аввалига мерсисайдликлар Роберто Фирмино - 59, Садио Мане - 61, Муҳамммад Салах - 68-дақиқаларда урган голлари эвазига “Сити”ни шок ҳолатига тушириб қўйишди. 

Иккинчи бўлим якунланишига саноқли дақиқалар қолганда Бернарду Силва, Илкай Гюндоган гол уриб, мезбон жамоа мухлисларини қаттиқ хавотирга солиб қўйди. Ўйин шу тариқа Клопп шогирдларининг 4:3 ҳисобидаги ғалабаси билан якунланди. Бу "Сити"нинг илк мағлубияти эди.