10 июл 15:14
Янгиликлар

Дзюдо

Энг оғир вазндаги дзюдочимиз АҚШ ва Куба вакилларини мағлуб этди

Венгрия пойтахти Будапешт шаҳрида дзюдо бўйича "Катта Дубулға" туркумига кирувчи нуфузли турнир бўлиб ўтмоқда.

Бугун мусобақанинг сўнгги куни оғир вазн тоифасида ғолиб ва совриндорлар номи маълум бўлади. Бугунги беллашувларда юртимиз шарафини ягона дзюдочимиз Шоҳруҳ Бахтиёров ҳимоя қилмоқда.

+100 кг вазндаги дзюдочимиз илк даврада АҚШ вакили Кристиан Коновални, иккинчи босқичда эса кубалик Энди Грандани иппон баҳоси эвазига мағлубиятга учратди. Энди Бахтиёров бироздан сўнг 1/4 финалда асли доғистонлик, ҳозирда БАА шарафини ҳимоя қилаётган Магомедомар Магомедомаровга қарши татамига чиқади.