05 июн 14:19
Янгиликлар

Дзюдо

Энг оғир вазндаги икки дзюдочимиз 1/2 финалга йўл олди

Тбилиси "Катта Дубулға" турнирининг сўнгги кунги беллашувлари муросасиз курашлар остида давом этмоқда.

Бироз аввал энг оғир вазндаги дзюдочиларимиз Шоҳруҳ Бахтиёров ва Алишер Юсупов ярим финал йўлланмасини қўлга киритишди. +100 кг вазндаги Бахтиёров чорак финалда венгриялик Ричард Сипожни таслим этди. Энди у финал чиптаси учун грузиялик номдор полвон Гела Заалишвилига қарши татамига чиқади.

Алишер Юсупов эса франциялик Жозеф Терхекни иппон баҳоси билан таслим этди. Унинг ярим финалдаги рақиби грузиялик Онисе Бугадзе бўлади.