02 апр 12:39
Янгиликлар

Бокс/ММА

Энтони Жошуа: АҚШда жанг ўтказишни истамайман

Супероғир вазн тоифасида WBO чемпиони Жозеф Паркерни мағлубиятга учратган Энтони Жошуа ўз қўлида тўртта жаҳон чемпионлик камарларини бирлаштирди.

Британиялик 28 ёшли боксчи энди бор эътиборини WBC чемпиони америкалик Деонтей Уайлдернинг титулига қаратмоқчи. Лекин шунинг баробарида АҚШда жанг ўтказиш режаси йўқлигини ҳам яширмаяпти.

“Буюк Британияда ўтказиладиган профессионал бокс кечалари дунёда биринчи ўринда туради. Мен бу фикрим билан фақат супероғир вазн тоифасини назарда тутмадим. Олдин инсонлар шиддатли боксни кўриш учун Америкага боришар эди. Энди бунга ҳожат қолмади. Мен рақибларимни Лондон ёки Кардиффда кутаман”, — деди Жошуа Sky Sports нашрига берган интервьюсида.