23 июл 11:02
Янгиликлар

Бокс/ММА

Энтони Жошуа Фьюри билан апрелда жанг қилмоқчи

Супероғир вазнда WBA, IBF ва WBO йўналишлари чемпиони Энтони Жошуа журналистлар билан суҳбат чоғида келаси йилнинг апрель ойида собиқ жаҳон чемпиони британиялик Тайсон Фьюри билан жанг ўтказиш истаги борлигини маълум қилган.

Жошуа 2019 йилнинг 13 апрель кунига Лондондаги “Уэмбли” стадионига буюртма бериб қўйган. Агар томонлар ўзаро келишиб олса, ўша санада Жошуанинг WBC чемпиони америкалик Деонтей Уайлдер билан бирлаштирувчи чемпионлик жанги бўлиб ўтади.

Мабодо, бу жангни ташкил қилиш масаласида муаммолар юзага келса, у ҳолда Энтони ҳамюрти Тайсон Фьюрига қарши рингга кўтарилади. Жошуа 22 сентябрь куни айнан “Уэмбли”да расмий даъвогар россиялик Александр Поветкинга қарши жанг ўтказади.