10 апр 16:56
Янгиликлар
Бокс/ММА
Энтони Жошуа: “Поветкин мени қизиқтирмайди”
Профессионал бокснинг супероғир вазн тоифасида WBA, IBF, WBO ва IBO йўналишлари чемпиони Энтони Жошуа асосий эътиборини WBC чемпиони Деонтей Уайлдер билан жанг ўтказишга қаратмоқда.
Британиялик боксчи чемпионлик камари учун мажбурий даъвогар россиялик Александр Поветкинга қарши жанг ўтказмоқчи эмас.
“Поветкин билан жанг мени қизиқтирмайди. Мен Уайлдерга қарши жанг ўтказишни истайман. Бошқа томондан мажбурий даъвогарга рад жавобини бериш орқали чемпионлик камаримдан маҳрум бўлишни ҳам хоҳламайман.
Ўйлайманки, Поветкин билан 2018 йилнинг иккинчи ярмида албатта тўқнаш келаман. Лекин ҳозир бор эътиборимни Уайлдерга қарши кечадиган жангга қаратганман. Ҳозирча Поветкин мени қизиқтирмайди”, – деди Жошуа Sky Sports нашрига берган интервьюсида.
Ҳавола :
Фикрлар