Энтони Жошуа "Реал" футболчисини қўллаб-қувватлади

Мадридликлар футболчиси Испания чемпионати доирасида "Валенсия"га қарши ўйин вақтида ирқчиликка оид ҳақоратларга учради ва якунда қизил карточка олиб майдонни тарк этди. Кейинчалик ушбу учрашувда ишлаган ВАР ҳакамлари ҳолатга эътиборсизлик қилгани учун жазога тортилганди.

"Агарда у бундан азоб чекса, кундалик ҳаётда акам, амакиваччам, ўғлим учун қанчалик қийин бўлишини шунчаки тасаввур қилиб олаверинг. Унинг оғриғини 100 фоиз ҳис қилиб турибман", - деб ёзади Жошуа.

Винисиус 2018 йилдан буён "Реал" таркибида ҳаракат қилмоқда. Унинг клуб билан шартномаси 2024 йилга қадар давом этади. У ушбу мавсумда Испания чемпионатининг 32 ўйинида иштирок этиб, 10 та гол ва 9 ассист қайд этди.