11 авг 14:35
Янгиликлар

Бокс/ММА

Эркин кураш бўйича Токио Олимпиадаси чемпиони UFC президентига мурожаат қилди

Эркин кураш бўйича 125 кг вазн тоифасида Токио Олимпиадаси чемпиони Гейбл Стивесон фаолиятини ММАда давом эттириши мумкин.

Америкалик полвон бу борада UFC президенти Дана Уайтга мурожаат қилди.

"Дана Уайт!", - дея ўзининг Твиттер саҳифасида UFC президентига қисқагина луқма ташлаб қўйган Стивенсон.

Таъкидлаш жоиз, Гейбл Стивесон Миннесота университети шарафини ҳимоя қилган. UFC ҳамда WWE промоушенларининг собиқ суперюлдузи Брок Леснар ушбу ўқув даргоҳининг битирувчиси ҳисобланади ва ўз вақтида талаба-спортчининг имкониятларини юқори баҳолаган эди.

Маълумот учун, Гейбл Стивенсон Олимпиаданинг финал беллашувида грузиялик полвон Гено Петриашвилини 10-8 ҳисобида мағлуб этиб, олтин медални қўлга киритган эди.