Эрон футбол федерацияси скриншот орқали АҚШ устидан кулди

Америкаликлар 1/8 финалда Бельгия томонидан тор-мор этилди (1:4). Гуруҳ босқичидан сўнг турнирни тарк этган Эрон терма жамоаси эса аввалроқ белгияликлар билан дуранг ўйнаган эди (0:0).

Федерация сайтида ушбу икки ўйин натижалари акс этган скриншот жойлаштирилди ва унга шундай изоҳ берилди: "Сиёсатнинг футболдан учраган шармандали мағлубиятидан сўнг бутун дунё қувонмоқда".

Эслатиб ўтамиз, Эрон турнирдан чиқиб кетганидан сўнг АҚШ миллий хавфсизлик вазири Марквейн Маллин шундай деган эди: "Эрон ЖЧ-2026дан чиқиб кетганидан хурсандман. Уларнинг визаларини бекор қилганимизда бахтиёр эдим. Қувончимдан бир-иккита қўшиқ айтиб, рақсга ҳам тушдим, шекилли".

Эрон терма жамоаси турнир давомида чекловларга дуч келди. Жамоа Мексикада истиқомат қилди ва АҚШга фақат ўйинлар учун келди, учрашувлар тугаши билан эронликлар зудлик билан яна ортга, ўз базасига қайтариб юборилди.