12 мар 12:50
Янгиликлар

Дзюдо

Эртага Осиё Очиқ Кубоги бошланади, бугун қуръа маросими ўтказилади

Хабар берганимиздек, 13-14 март кунлари Қозоғистоннинг Актау шаҳрида дзюдо бўйича катталар ўртасида Осиё Очиқ Кубоги бўлиб ўтади.

Ушбу мусобақа Турар Жолдибаев хотирасига бағишлаб ўтказилаётган бўлиб, унда саккиз давлатдан 200 нафардан зиёд дзюдочилар иштирок этади. Улар қаторида Рафгат Измайлов, Камол Муродов, Баҳодир Узакбергенов, Байрамбай Сатуллаев ва Муқаддас Кубеева мураббийлигидаги жами 24 нафар дзюдочимиз юртимиз спорт шарафини ҳимоя қилади.

Актаудаги турнир Халқаро дзюдо федерациясининг йиллик тақвимидан ўрин олган бўлиб, IJF қоидалари асосида ўтказилади. Мусобақа ғолиблари – 100, кумуш медаль эгалари – 60, бронза медали соҳиблари эса 40 рейтинг очкосини ўз ҳисобларига қўшиб қўйишади. Бугун Осиё Очиқ Кубогига қуръа ташланади.