19 июн 07:58
Янгиликлар

Теннис

Фарғона “Челленжер”. Бугун Файзиев баҳсларга киришади

Фарғона шаҳрида теннис бўйича “Челленжер” туркумига кирувчи турнирнинг асосий тўр баҳслари давом этмоқда.

Ушбу мусобақанинг соврин жамғармаси 75 000 АҚШ долларини ташкил қилади. Асосий тўрга ҳамюртларимиздан Санжар Файзиев, Ҳумоюн Султонов ва Фаррух Дўстов имтиёзли йўлланма асосида қўйилишганди.

Кеча улардан Султонов ва Дўстов рейтингда ўзларидан анча юқорида турган рақибларини мағлуб этиб, иккинчи даврага йўл олишди. Бугун эса Файзиев биринчи давра учрашувини ўтказади. У турнирнинг бешинчи ракеткаси россиялик Иван Неделкогага қарши кортга чиқади.

Таққослаш учун, Неделко ATP рейтингида 241-ўринни эгаллаб турибди. Файзиев эса 509-поғонадан жой олган. Санжар охирги 5та учрашувининг барчасида мағлубиятга учраган. Неделко эса 5та баҳсидан 4тасида ютқазган. Теннисчилар шу кунгача ўзаро кортда тўқнаш келишмаган.