Фарғона “Фьючерс”. Теннисчиларимизнинг рақибалари маълум

Ушбу мусобақанинг мукофот жамғармаси 25 000 АҚШ долларини ташкил қилади. Мамлакатимизнинг биринчи рақамли теннисчиси Сабина Шарипова мос равишда турнирнинг ҳам биринчи ракеткаси сифатида ҳаракат қилади. 

Қуръа натижасига кўра Шарипова илк даврада россиялик Маргарита Лазаревага қарши кортга чиқиши маълум бўлди. Учинчи ракетка сифатида қайд этилган Нигина Абдураимова эса яна бир ҳамюртимиз турнирга имтиёзли равишда қўйилган Насиба Эсполовани синовдан ўтказади.

Арина Фольц россиялик Дарья Лодикова, Гўзал Юсупова ҳиндистонлик Рия Бхатия, Элина Шарипова қирғизистонлик Ксения Палкина, Нигора Азимжонова эса россиялик Камила Раҳимовага қарши кортга чиқади.

Маълумот учун, Сабина Шарипова бунгача кетма-кет Наманган ва Андижондаги турнирларда бош мукофот соҳибасига айланганди. Фарғонада ҳам айнан у ғолиблик учун асосий даъвогар бўлиб турибди. Шарипова WTA рейтингида 135-ўринда бормоқда.