22 июн 11:57
Янгиликлар
Теннис
Фарғона “Фьючерс”. Умарованинг юриши тўхтади
Хабар берганимиздек, шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи мусобақанинг иккинчи даврасига етиб келган яна бир теннисчимиз ўз учрашувини ўтказди. Терма жамоамиз аъзоси Камола Умарова россиялик Анастасия Фроловага қарши кортга чиқди.
Фролова турнирнинг тўртинчи рақамли иштирокчиси эди. Бир соату 25 дақиқа давом этган баҳсда Фролова 6:4, 6:2 ҳисобида зафар қучиб, чорак финалга йўл олди.
Эслатиб ўтамиз, Камола Умарова илк даврада қозоғистонлик Александра Гринчишинани икки сетда ҳам бир хил 6:4 ҳисобида таслим этган эди.
Ҳавола :
Манба : olamsport.com
Фикрлар