Фарҳод Турдиев: "Баркамол авлод" каби турнирлар орқали тажриба тўпладик"

Фарҳод Турдиев, Ўзбекистон Республикаси Жисмоний тарбия ва спорт давлат қўмитаси раиси ўринбосари, "Баркамол авлод – 2017”спорт ўйинлари бош ҳаками:

– Мамлакатимизда жорий этилган уч босқичли узлуксиз спорт ўйинлари  иқтидорли спортчиларни тарбиялаш, терма жамоаларимиз захирасини тўлдиришда муҳим аҳамият касб этмоқда. Бугун ушбу мусобақалар муносабати билан мамлакатимизнинг барча ҳудудларида халқаро талабларга жавоб берадиган спорт инфратузилмаси яратилди. Биз бу каби кенг миқёсдаги мусобақаларни ўтказиш бўйича катта тажриба тўпладик. Ушбу тажриба эвазига Ўзбекистонда спортнинг қатор турлари бўйича, қитъа ва жаҳон чемпионатлари зўр муваффақият билан ўтказилмоқда. Аҳамиятлиси, жаҳон чемпионатини Ўзбекистонда ўтказишни истовчи нуфузли  спорт федерациялари сони ортиб бормоқда. Бу мамлакатимизда спортни ривожлантиришга қаратилаётган кенг кўламли ислоҳотлар самарасидир.